កងទ័ពរបស់ប្រទេសប៉ាគីស្ថានមិនត្រឹមតែខិតខំអភិវឌ្ឍន៍នូវ យន្តហោះ អាវុធទំនើបៗ សំរាប់ការពារប្រទេសប៉ុណ្ណោះទេ ថែមទាំងខំអភិវឌ្ឍន៍នូវផលិតផលបច្ចេកវិទ្យាទៀតផង ។ នៅពេលនេះកងទ័ពប៉ាគីស្ថានបានបង្ហាញនូវ tablet ដែលផលិតនៅក្នុងស្រុកដែលមានឈ្មោះថា PACPAD 1 ដែលជា Tablet ដំណើរការដោយប្រព័ន្ធប្រតិបត្តិការ Android- ហើយវាមានតម្លៃប្រហែល US$200 ។ វាត្រូវបានបង្កើតឡើងដោយ Pakistan Aeronautical Complex ដែលបានប្រើ PAC ជាឈ្មោះរបស់ Tablet ខ្លួន ។ Tablet នេះផលិតនៅប៉ាគីស្ថានប៉ុន្តែប្រើ hardware របស់ប្រទេសចិន និងដំណើរការដោយ Android 2.3 ។
វាមាន 1GHz ARM 11 processor, RAM ទំហំ 256MB ហើយមាន Storage ពី 2, 4, 8, រឺ 16GB ផ្សេងៗគ្នា ។ វាមាន 7” Capacitive TFT display ជាមួយនឹង resolution of 1080 x 720 ។ PACPAD ត្រូវបានគេកំពុងលក់ក្នុងចំនួនមួយដែលមានកំណត់ តែវាតំណាងអោយការខិតខំរបស់កងទ័ពប៉ាគីស្ថានដើម្បីចូលទៅក្នុង consumer electronics space ដែលវាបានផ្តល់កិត្តិយសយ៉ាងខ្លាំងដល់កងទ័ពប៉ាគីស្ថាន និងប្រទេសជាតិ ។
កងទ័ពប៉ាគីស្ថានមិនត្រឹមតែអាចផលិតអាវុធខ្លួនឯងប៉ុណ្ណោះទេថែមទាំងចេះធ្វើ Business ទៀតដែលវាជាទីមោទនខ្លាំងណាស់ ។ គេសង្ឍឹមថា Tablet នេះអាចវាយលុកទីផ្សារបានរាប់លានគ្រឿងផងដែរ។
គួរបញ្ជាក់ថាកងទ័ពប៉ាគីស្ថានមិនត្រឹមតែផលិត Tablet នោះទេថែមទាំងមានលក់ laptop ឈ្មោះ PAC-nBOOK 1 និង e-reader ឈ្មោះ PAC-eBOOK 1 ហើយនៅពេលនេះ PACPAD tablets ត្រឹមតែពីរបីរយគ្រឿងប៉ុណ្ណោះដែលត្រូវបានគេផលិតប៉ុន្តែការផលិតបន្តទៀតនឹងត្រូវគេរាយការនៅប៉ុន្មានខែក្រោយទៀត ។
