ក្រុមហ៊ុន Apple Inc បានយល់ព្រមចំណាយអោយក្រុមហ៊ុន Proview International Holdings Ltd ចំនួន £35,000 ($55,494 ) សំរាប់ឈ្មោះ iPad trademark នេះបើតាមឯកសារតាម emails ដែលក្រុមហ៊ុនទាំងពីរបានទាក់ទងគ្នា ។តែក្រុមហ៊ុនProview ដែលថាឈ្មោះ IPad ជា trademark របស់ខ្លួននៅប្រទេសចិនបាននិយាយកាលពីថ្ងៃសុក្រថាខ្លួនចង់បាន ២ពាន់លានដុល្លាពីក្រុមហ៊ុន Apple ។
ក្រុមហ៊ុន Proview ធ្វើដូចនេះប្រៀបចង់បឺតឈាមក្រុមហ៊ុន Apple ទាំងរស់អញ្ចឹងព្រោះក្រុមហ៊ុនខ្លួនក្ស័យធនទៅហើយនៅទារលុយគេច្រើនយ៉ាងនេះទៀតប្រហែលចង់បានលុយបើកក្រុមហ៊ុនថ្មីទេដឹង ?
ទោះជាយ៉ាងណាក៏ដោយក្រុមហ៊ុន Apple ត្រូវបានតុលាការក្រុង Hong Kong កាន់ជើង ហើយនិយាយថាកិច្ចព្រមព្រៀងរវាងក្រុមហ៊ុន Proview និង Apple មានលក្ខណះត្រឹមត្រូវតែតុលាការនៅចិនដីគោកបានទាត់ចោលបណ្តឹងរបស់ ក្រុមហ៊ុន Apple ទាំងស្រុងតែម្តង ។ ហើយគ្រាដែលជំលោះរវាងក្រុមហ៊ុនទាំងពីរនៅកំពុងតែបន្តនោះ ខាងចិនដីគោកបានហាមការលក់ IPad នៅចិនបណ្តើរៗហើយដោយបានហាមការលក់នៅ ៣០ទី ក្រុងឯណោះ ដែលនេះបានកំពុងបង្កបញ្ហាចោទដល់ក្រុមហ៊ុន Apple យ៉ាងខ្លាំង ។
តាមពិតក្រុមហ៊ុន Proview ប្តឹង Apple មិនមែនចង់បានឈ្មោះ IPad អី នោះទេគឺគ្រាន់តែចង់បានលុយពី ក្រុមហ៊ុន Apple ប៉ុណ្ណោះ តែបើទារលុយគេហួសហេតុពេកគេក៏មិនអោយដែរ!
