ប្រសិនបើអាច អ្នកមិនគួរចំណាយលុយទិញ iPad 2 នាពេលនេះទេ ព្រោះថា iPad ជំនាន់ថ្មីជិតចេញហើយ។ ប្រភពសារព័ត៌មានធំៗគួរឲ្យទុកចិត្តចំនួន៤ ដែលមានដូចជា New York Times, All Things Digital blog របស់ The Wall Street Journal, The Next Web និង Dalrymple of the Loop បានចេញនូវរបាយការណ៍ឯករាជ្យរៀងៗខ្លួន ថា Apple អាចនឹងចេញ iPad ថ្មីក្នុងព្រឹត្តិការណ៍មួយនៅ San Francisco កំឡុងពេលសប្ដាហ៍ដំបូងនៃខែមីនា ដែលក្នុងនោះ ៧មីនា គឺជាថ្ងៃដែលអាចចេញបំផុត។
មិនត្រឹមតែប៉ុណ្ណោះទេ ប្រភពផ្សេងៗទៀតដែលចេញពីក្នុងក្រុមហ៊ុន Apple ក៏បានខ្សិបខ្សៀវថាការលើកឡើងខាងលើ ពិតប្រាកដនោះដែរ ប៉ុន្ដែ ក្រុមហ៊ុន Apple មិនបាននិយាយអ្វីឆ្លើយតបចំពោះពាក្យចចាមអារាមនេះទេ។
ជាថ្មីម្ដងទៀត ប្រិយមិត្តដែលចង់ទិញ iPad សូមរង់ចាំបន្តិចសិន ដើម្បីបានទទួលនូវ iPad ស៊េរីថ្មី ហើយកុំភ្លេចចាំមើលទាំងអស់គ្នា ថា iPad 3 ពិតជាចេញថ្ងៃ ៧មីនា មែនឬក៏យ៉ាងណា?
