ខ្មែរសារិកា

ក្រុមហ៊ុន​ AT&T បាន​ធ្វើ​ពិធី​ប្រកាស​ព័ត៌មាន​មួយ​កាល​ពីថ្ងៃ​ច័ន្ទ​នៅ​ក្នុងពិព័រ CES 2012 ដោយ​បាន​ដាក់​បង្ហាញ​នូវកុំព្យូទ័រ​ tablet ថ្មី​មួយ​ដែល​មិន​ចូល​ទឹក គឺ​tablet Pantech Element។

យោង​តាម​គេហទំព័រ PC Magazine បាន​ឲ្យ​ដឹង​ថា tablet នេះ​ នឹង​ដាក់លក់នៅ​ថ្ងៃ​ទី​២២ ខែមករា ក្នុងតម្លៃ​ ២៩៩ដុល្លារ ជាមួយ​នឹង​កិច្ច​សន្យា​ពីរ​ឆ្នាំ។ វា​ជា​ tablet ដ៏​អស្ចារ្យ​ដោយ​សារ​តែ​ខូច នៅ​ពេល​ដែល​ដាក់ចូល​ក្នុង​ទឹក​ជម្រៅ​មួយ​មែត្រ​ក្នុង​រយៈ​៣០នាទី​។ តាម​ពិត​ទៅ​ tablet នេះ មិនអាច​ប្រើ​ប្រាស់ក្នុងទឹក​បាន​ទេ ប៉ុន្ដែ​វា​ជា​ជម្រើស​ល្អ​បំផុត​សម្រាប់​អ្នក​ចង់​យក​វា​ទៅប្រើប្រាស់​នៅ​ឆ្នេរ​សមុទ្ទ​ ព្រោះ​មិនបារម្ភ​ពី​ការ​ខូច​ខាត​ដោយ​សារ​ទឹក​។

ក្រៅ​ពី​មិន​ជ្រាប​ទឹក tablet ថ្មី​នេះ មាន​ទំហំ​អេក្រង់ ៨អ៊ីញ ព្រម​ទាំង​អាច​កាន់​ថ្ម​បាន​ ១២ម៉ោង​។

នៅ​ខណៈ​ពេល​ចេញ​ដំបូង​ tablet នេះ នឹង​ដំណើរ​ការ​ដោយ Android 3.2 (Honeycomb) ប៉ុន្ដែ PC Magazine បាន​សរសេរ​ថា វា​នឹង​ប្ដូរ​ទៅ​ជា Ice Cream Sandwich នៅ​ពេល​បន្ទាប់​ទៀត​។