ខ្សែភាពយន្តដែលខ្លាំងៗកាលពីសប្ដាហ៍មុនៗ ត្រូវទុកមួយឡែកសិន ដោយងាកមកមើលរឿងថ្មីពីរដ៏ខ្លាំង។ សប្ដាហ៍នេះ មានរឿងថ្មីតែពីរប៉ុណ្ណោះ ដែលអាចចូលក្នុងចំណាត់ថ្នាក់កំពូលទាំង១០ ប៉ុន្ដែងាយស្រួលរកមើលបំផុត ដោយសារតែរឿងទាំងពីរនេះបានឈរនៅកំពូលគេ ពោលគឺលេខមួយ និងលេខពីរ។
ចំណាត់ថ្នាក់លេខពីរ ក៏មិនធម្មតាដែរ គឺជារឿងថ្មីមួយទៀត ដែលមានចំណងជើងថា The Ides of March ដែលអាចទឹកប្រាក់សរុប ១០,៥លានដុល្លារ។ ខ្សែភាពយន្តនេះបានចាប់ផ្ដើមបានយ៉ាងល្អ ជាមួយនឹងទឹកប្រាក់ចំនួន ៣,៤៥លានដុល្លារ កាលពីថ្ងៃសុក្រ។
ងាកមកមើលរឿងដែលជាប់លេខមួយសប្ដាហ៍មុនវិញ គឺរឿង Dolphin Tales បានធ្លាក់ដំណែងរបស់ខ្លួនដល់ទៅពីរលេខ គឺលេខមួយ មកលេខបី។ ដោយអាចឈរនៅលេខមួយបានតែមួយសប្ដាហ៍ រឿងរបស់ Warner Bros មួយនេះ អាចរកបាន ៩,៨លានដុល្លារ សមល្មមនៅនឹងលេខបី។
ទោះបីជាមិនធ្លាប់បានស្គាល់រសជាតិលេខមួយនឹងគឺ ក៏រឿងដែលមានចំណងជើង Money Ball ហាក់ដូចជានៅតែខ្លាំងនៅក្នុងចំណោមរឿងទាំង១០ ដោយតែងតែឈរនៅចំណាត់ថ្នាក់ល្អ។ សប្ដាហ៍នេះក៏មិនសូវជាអន់ប៉ុន្មានដែរ ដោយអាចឈរនៅលេខបួន ជាមួយនឹងចំណូលបាន ៧,៧លានដុល្លារ។
លេខប្រាំ គឺជារឿងដែលមានចំណាងជើងយ៉ាងខ្លីថា 50/50 ដែលអាចលក់សំបុត្របាន ៥,៦លានដុល្លារ ស្របពេលដែល Couragous ឈរនៅលេខ៦ ដោយរកបាន ៤,៦លានដុល្លារ។
ចំណាត់ថ្នាក់សល់ពីនេះ គឺលេខ៧ ដល់លេខ១០ បានទៅលើរឿង Dream House (៤,២លានដុល្លារ) The Lion King 3D (៤,១លានដុល្លារ) What's Your Number? (៣,២លានដុល្លារ) និងរឿង Contagion (៣លានដុល្លារ)។
