នៅទីបំផុតកំពូលតារាចម្រៀងប៉ុប Katy Perry និង Russel Brand បានចុះហត្ថលេខាជាចុងក្រោយលើលិខិតលែងលះរបស់ពួកគេហើយ។ អតីតគូស្នេហ៍ដ៏ផ្អែមល្ហែមនេះ បានយល់ព្រមចែករំលែកទ្រព្យសម្បត្តិរួមរបស់ពួក។ ជាមួយគ្នានេះដែរ Russel Brand ក៏បានបដិសេធមិនទាមទារចំណែកណាមួយក្នុងទឹកប្រាក់ចំនួន ៤៤លានដុល្លាររបស់ Katy Perry នោះទេ។
ទោះបីជាស្ថិតក្នុងកាលៈទេសៈដ៏ក្រៀមក្រំដោយសារការលែងលះយ៉ាងនេះក្ដី អ្វីដែលគេចាប់អារម្មណ៍បំផុតនោះ គឺស្នាមញញឹមរបស់ Perry។ តារាល្បីរូបនេះ បានចុះហត្ថលេខាលែងលះ ប្រកដដោយស្នាមញញឹមយ៉ាងស្រស់ ដែលគ្មានចំណុចណាដែលមើលទៅថានាងកើតទុក្ខនោះទេ។
យោងតាម Forbes Magazine បានឲ្យដឹងថា Brand ទទួលបានចំណែកទ្រព្យសម្បត្តតែ ៤លានផោនប៉ុណ្ណោះ ខណៈដែល Perry ទទួលបាន ២៨លានផោន។
គួររំលឹកផងដែរថា គូស្វាមីភរិយាជាតារាមួយគូនេះបានរួមរស់នៅជាមួយគ្នាបាន ១៤ខែ ទម្រាំដល់ថ្ងៃលែងលះ ពោលគឺរៀបការកាលពីខែតុលា ឆ្នាំ២០១០។ ជាលទ្ធផលនៃចំណងអាពាហ៍ពិពាហ៍នេះ គឺការលែងលះដែលតុលាការបានកំណត់ថា ប្រាក់ចំណូលដែលពួកគេរកបានក្នុងរយៈពេល ១៤ខែនេះ ត្រូវចាត់ទុកថាជាទ្រព្យរួម ដែលមានន័យថា ពួកគេនឹងទទួលបានពាក់កណ្ដាលម្នាក់។
ទោះបីជាបែបនេះក្ដី បើគិតមើលទៅ Perry គឺជាអ្នករកបានចំណូលច្រើន ពោលគឺបើយោងតាម Forbes magazine គឺចន្លោះពីខែឧសភា ២០១០ ដល់ឧសភា ២០១១ Perry អាចរកបានដល់ទៅ ៤៤លានដុល្លារ។ ប៉ុន្ដែ ដូចបានបញ្ជាក់ខាងលើអញ្ចឹង គឺ Rassel Brand បានបដិសេធមិនទាមទារចំណែកប្រាក់ទាំងនោះទេ។
