តារាចម្រៀងសិចស៊ី Lee Hyori បានយកឈ្នះតារាសិចស៊ីដទៃទៀត ដូចជា Kim Hae Soo និង Han Chae Young ដើម្បីទទួលដំណែងជា Marilyn Monroe របស់កូរ៉េខាងត្បូង។
ខ្សែភាពយន្តដែលមានចំណងជើងថា My Week With Marilyn នឹងត្រូវចេញបញ្ចាំងនៅចុងខែនេះហើយ ដូច្នេះដើម្បីផ្សព្វផ្សាយរឿងនេះឲ្យគេដឹងច្រើន ក៏មានការរៀបចំសម្រង់មតិមួយ ដោយសួរក្រុមអ្នកចូលរួមថាតើតារាសិចស៊ីរបស់កូរ៉េណាមួយ ដែលមើលទៅដូចជា Marilyn Monroe?
ទោះបីជា Lee Hyori ត្រូវបានស្ថិតក្នុងចំណោមតារាល្បីៗជាច្រើនទៀត ដែលត្រូវដាក់ឲ្យគេជ្រើសរើសក៏ដោយ ក៏តារាចម្រៀងស្រីម្នាក់នេះ បានទទួលសម្លេងគាំទ្រដល់ទៅ ៣៦ភាគរយ លើសតារាដទៃទៀត។
ក្នុងចំណោមតារាស្រីសិចស៊ីទាំងអស់ គេសង្កេតឃើញមានតែ Kim Hae Soo ម្នាក់ប៉ុណ្ណោះ ដែលអាចប្រជែងប្រកិតនឹង Lee Hyori ប៉ុន្ដែក្រុមអ្នកបោះឆ្នោតបានពន្យល់ក្នុង Netizen ថា Lee Hyori មានរាងដ៏ស្រស់ស្អាត ដែលមើលទៅគឺសិចស៊ី និងគួរជាទីស្រលាញ់។
ក្រៅពីមានភាពទាក់ទាញខ្លាំង Hyori ក៏ត្រូវបានគេទទួលស្គាល់ថាជាតារាមានស្នាមញញឹមមានមន្តស្នេហ៍ផងដែរ ដែលបានបន្ថែមភាពខ្លាំងលើនាង Kim Hae Soo។
បន្ទាប់ពីតារាទាំងពីរនាក់នេះ នាង Han Chae Young បានស្ថិតនៅលំដាប់ទីបី ខណៈដែល HyunA ក្នុងក្រុម 4minute បានជាប់លេខ៤។
ប្រភព៖ Allkpop
